"მზად ვარ ყველაფერისთვის, მაინტერესებს ვინ მომცემს მე ხმას და ვინ მისცემს სხვას"- ზაუტაშვილი

პოლიტიკა - 16:44, 03 Jan, 2017

4467

საზოგადოებრივი მაუწყებლის გენერალური დირექტორის შესარჩევ კონკურსში მონაწილე ნინო ზაუტაშვილს მიაჩნია, რომ აღნიშნულ პოსტს მისი კანდიდატურა ყველაზე მეტად შეესაბამება, ზაუტაშვილი კონკურსში მონაწილე სხვა პირებს სთავაზობს რომ მეორე ტურის შემდეგ ხმის მიცემის შედეგები გასაჯაროვდეს და სამეურვეო საბჭოს წევრებმა დაასაბუთონ თავისი არჩევანი:

„მე ველოდები და მზად ვარ ყველაფერისთვის აბსოლუტურად, თუმცა მე მაინც მგონია, რომ ჩემი კანდიდატურა წარმოდგენილ კანდიდატურებს შორის ყველაზე კარგია. მე გასულ კანდიდატებს სიამოვნებით შევთავაზებდი, რომ მოვითხოვოთ შედეგების გასაჯაროება, მე მაინტერესებს ვინ მომცემს მე ხმას და ვინ მისცემს სხვას, დაასაბუთონ რა კრიტერიუმებით გადაწყვიტეს რომ ეს ადამიანი შეიძლება გახდეს გენერალური დირექტორი. აქ არ არის საუბარი გენერალურ დირექტორობაზე, აქ არის საუბარი ადამიანზე, რომელმაც უნდა შექმნას საზოგადოებრივი ტელევიზია, იმიტომ, რომ ჩვენ წლებია ერთი და იგივე შეცდომებს ვიმეორებთ, ვწერთ ფანტასტიურ კონცეფციებს და როგორც წესი ამ კონცეფციებს დღის სინათლე არ ეღირსათ და ფურცელზე დარჩა.“- განაცხადა ზაუტაშვილმა.

ნინო ზაუტაშვილის თქმით საზოგადოებრივი მაუწყებელი უნდა იყოს სრულიად თავისუფალი ყველანაირი პოლიტიკური გავლენისგან.