,,ასეთი მაღალი დონის პოლიტიკოსების ვიზიტი არის მნიშვნელოვანი სიგნალი საქართველოსთვის“

,,ასეთი მაღალი დონის პოლიტიკოსების ვიზიტი არის მნიშვნელოვანი სიგნალი საქართველოსთვის“ - ბოკერია

პოლიტიკა - 12:15, 02 Jan, 2017

5270

ამერიკელი სენატორები საქართველოში ვიზიტის ფარგლები, დღეს ,,ერთიანი ნაციონალური მოძრაობის“ ლიდერებს შეხვდნენ. როგორც შეხვედრის დასრულების შემდეგ პარტიის ლიდერმა გიგა ბოკერიამ ჟურნალიტებს განუცხადა, საუბრის მთავარი თემა იყო რუსეთი და ქვეყნის შიდა პრობლემები - რუსთავი 2-ის საქმე და პოლიტპატიმრების საკითხი.

”სენატორ მაკკეინის, სენატორ გრაჰამის და დემოკრატი სენატორი კლობუჩარის ჩამოსვლა არის ჩვენთვის ამ მომენტში ძალიან მნიშვნელოვანი სიგნალი. ძალიან სარისკო საერთაშორისო ვითარებაა ყველასთვის, მაგრამ საქართველო განსაკუთრებით სარისკო ვითარებაშია. ახალი ადმინისტრაციაა აშშ-ში, რომლის პოლიტიკა არ არის გამოკვეთილი ჯერ მკაფიოდ და ასეთი დონის პოლიტიკოსების ვიზიტი აღმოსავლეთ ევროპასა და საქართველოში არის მნიშვნელოვანი სიგნალი. ჩვენი ვალია, გავაცნოთ ჩვენი ხედვა იმ გამოწვევებზე, რომელიც ჩვენ გვაქვს, რუსეთზე, ქვეყნის შიდა პროცესებზე და სწორედ ამ თემებზე გვქონდა საუბარი.

ჩვენი პოზიცია არის მკაფიო - ”რუსთავი 2-ზე”, პოლიტიკური დევნის საკითხზე და პოლიტიკურ პატიმრების საკითხზე. დემოკრატიული ცვლილებების საკითხი გადაბმულია უსაფრთხოების საკითხთან. ზიანი ივანიშვილისგან ძალიან დიდია, თუმცა, ამ დონის პოლიტიკოსების ვიზიტი, იმედი გვაქვს, ხელს შეუწყობს, ნაკლები ზიანით გაიაროს საქართველომ ეს პერიოდი”, - განაცხადა გიგა ბოკერიამ.