მკვლელობა ქავთარაძის ქუჩაზე - თბილისში გვიან ღამით მოკულული მამაკაცი სავარაუდოდო რუსეთის მოქალაქეა, ამის შესახებ ინფორმაციას გარდაცვლილის მეზობლები ავრცელებენ. შინაგაგნ საქმეთა სამინისტრო მომხდარის ვერსიაზე მუშაობს, გავრცელებული ინფორმაციის თანახმად, მამაკაცი მეთექვსმეტე სართულზე, აივანზე იმყოფებოდა, რა დროსაც გასროლა სნაიპერმა განახორციელა.

ასევე ვრცელდება ინფორმაცია იმის შესახებ, რომ შემთხვევის მომენტში, მამაკაცი ბინაში მეგობართან ერთად იმყოფებოდა, ეს უკანასკნელი სამართალდამცავებმა დაკითხვაზე გადაიყვანეს.

მომხდარზე გამოძიება საქართველოს სისხლის სამართლის კოდესქსის 108-ე და 236-ე მუხლებით მიმდინარეობს, რაც განზრახ მკვლელობასა და იარაღის უკანონო შეძენა-შენახვა-ტარებას გულისხმობს.

ადგილზე დილამდე მუშაობდნენ ექსპერტ-კრიმინალისტები. მოხდა ავტო ფარეხების და ტერიტორიის მთლიანი პერიმეტრის დათვალიერება. გარდაცვლილი გუშინვე პროზექტურაში გადაასვენეს. მეზობლები ამბობენ, რომ ის ბინაში, დაახლებით, სამი კვირის წინ გადმოვიდა.