„ხვალ დილას ალბათ ღიმილიანი დედიკო დახვდებათ პატარებს“ ..

სოც.მედია - 15:15, 30 Dec, 2016

13897

„სულ ვამბობ, რომ ეს ქვეყანა გადარჩენას იმსახურებს, ცოტა წესრიგის გამუშვება გვჭირდება და ვფიქრობ, რომ ესაც იქნება“ - წერს სოციალურ ქსელში თინათინ მოსიაშვილი, ჟურნალისტი, რომლის მიერ განთავსებულ პოსტებს ხშირად ეხმაურებიან გულისხმიერი ადამიანები და ბევრი კეთილი საქმე კეთდება.

თინათინ მოსიაშვილის პოსტი

„დღეს ერთ ოჯახში დასალაგებლად ვიყავი. ბავშვებს ბუშტებს შევპირდი და იქ აღებული ფულით ვუყიდე, ჩამოვკიდეთ კედლებზე. ძაან დაღლილი ვიყავი. უცებ რომ ვნახე ქვითარი (იგულისმება ელექტროენერგიის ქვითარი, თ.მ), პატარებიც მიხვდენ, რომ მოვიწყინე. ეგრევე დაიძინეს, დედა არ გავაბრაზოთო. ამიტომ მოგწერე... მადლობა. უფალმა დაგლოცოთ და შეგეწიოთ", - ახლახან მომწერა ელისომ.
რამდენიმე საათის წინ კი შეწუხებულმა ქვითარი გამომიგზავნა, მიხვდა, თავად ვერ შეძლებდა...

ჯერ თიკომ, მერე თამუნამ ნახევარზე მეტი ჩარიცხეს, ახლაც ხათუნამ, გიომ (ყველა, სამწუხაროდ, არც ვიცი)... გაანულეს!!!
ღმერთმა შეგიწიროთ, მეგობრებო, ეს ჯერ ელისომაც არ იცის, მაგრამ, ფაქტია, ხვალ დილას ალბათ ღიმილიანი დედიკო დახვდებათ პატარებს.

ასევე დაიფარა ნათიას 85 ლარიანი გაზის გადასახადი, მარიკასთანაც განულდა.

ეს კი არის სოციალურად დაუცველი 6 შვილიანი ოჯახი, რომელსაც აქვს გაზის დავალიანება და სოც დახმარებიდან ეჭრება ყოველთვიურად თანხა. დავალიანების გამო გაზი გადაკეტილი აქვთ. იქნებ ამ ოჯახსაც შევეშველოთ ყველა ერთად.“