საქართველოს თავდაცვის მინისტრმა დღეს გასული წელი შეაჯამა. ჟურნალისტებთან საუბრისას ლევან იზორიამ კომენტარი „კრწანისის“ სასწავლო ცენტრში მომხდარ შემთხვევაზე ისაუბრა და აღნიშნა, რომ მომხდარის მოტივი ქურდობა იყო:

„უმოკლეს პერიოდში მოხდა იდენტიფიცირება იმ პიროვნებების, ვინც შეიჭრა. დადგენილია მათი შეჭრის მოტივიც. ეს ცალსახად იყო ქურდობა და რამდენადაც მაქვს ინფორმაცია, გამოძიება აქტიურად მიმდინარეობს. 25 დეკემბერს გაიმართა ექსპერტიზა და შესაბამისად, მალე დაიწყება საქმის ალბათ არსებითი განხილვა“, - განაცხადა ლევან იზორიამ.