საქართველოს თავდაცვის მინისტრმა ლევან იზორიამ წლის შემაჯამებელი შეხვედრა გამართა. მინისტრმა უწყების მომავალი წლის გეგმებზე ისაუბრა. მან ასევე აღნიშნა, რომ თავდაცვის სამინისტროში მრჩეველთა ინსტიტუტი გაუქმდა, რის შედეგადაც 389 556 ლარი დაიზოგა:

„შედეგად, მხოლოდ ამ გადაწყვეტილებით დაიზოგა 389 556 ლარი, რომელიც მინისტრის და მისი მოადგილეების 10 მრჩევლის წლიურ ანაზღაურებას შეადგენდა. მრჩევლების შტატი გაუქმდა გენერალურ შტაბსა და ქვე სტრუქტურებშიც“, - განაცხადა იზორიამ.

მისივე თქმით, საუკეთესო მრჩეველი გენშტაბის უფროსი და მოადგილეები არიან. ერთადერთი მრჩეველი ეკონომიკის მიმართულებით შენარჩუნდა.

თავდაცვის მინისტრის ინფორმაციით, დელტაში დაინიშნება ახალი ხელმძღვანელი და დელტა ძირითადად ქართული შეიარაღებული ძალების დაკვეთებს შეასრულებს.