პარლამენტის ფრაქცია „ერთიანი ნაციონალური მოძრაობის“ წევრი ზურაბ ჭიაბერაშვილი გიორგი კვირიკაშვილის იმ განცხადებას ეხმაურება, სადაც პრემიერმა აღნიშნა, რომ „2017 წელი ძალიან მაგარი წელი იქნება“. ამის შესახებ განცხადება ჭიაბერაშვილმა „კურიერის“ პირდაპირ ეთერში გააკეთა:

"ჩვენ უკვე ვთქვით, რომ 2017 წელი იქნება ძალიან მძიმე წელი იმის მიუხედავად, რომ გიორგი კვირიკაშვილი დღეს აცხადებს, რომ 2016 წელი იყო კარგი წელი და 2017 წელი იქნება უკეთესი. მან პრაქტიკულად გაიმეორა ბიძინა ივანიშვილის ძველი გამონათქვამი, რომელიც გვპირდებოდა, რომ საუკეთესო წელი 2016 უნდა ყოფილიყო, მაგრამ 2016 წელი აღმოჩნდა ყველაზე მძიმე ქართული ოცნების 4 წლიანი მმართველობიდან. ძალიან რთული წელი გველოდება ამ მთავრობის ხელში,“ - განაცხადა ზურაბ ჭიაბერაშვილმა.