„ერთიანი ნაციონალური მოძრაობის“ წევრის ელენე ხოშტარიას განცხადებით, პროცესების ისე განვითარება, რომელიც სააკაშვილის მხრიდან ხდება, თანაგუნდელების შეურაცხყოფა, პარტიის დაშლის შესაძლებლობას აღრმავებს. მისივე განცხადებით, გუნდმა, რომელსაც საქართველოს მესამე პრეზიდენტი ხელმძღვანელობს, გადაწყვიტა, იურიდიულ-დემოკრატიულ პროცედურაზე უარი თქვას:

“გამოაცხადეს რაღაცა კომისია, რომელიც თვითნებურად იღებს გადაწყვეტილებებს. ამ ზღვრამდე პროცესის მიყვანა ნამდვილად სერიოზულ საფრთხეს უქმნის პარტიის ერთიანობას და მე იმედს ვიტოვებ, რომ ჩვენი კოლეგები და პირველ რიგში მიხელ სააკაშვილი გაიაზრებენ, თუ რამხელა ზიანს აყენებენ არამხოლოდ პარტიას, არამედ ქვეყანას და დაბრუნდებიან ცივილიზებულ ჩარჩოში. აქ არ არის საუბარი იმაზე, რომ განსხვავებული აზრია პრობლემა, მაგრამ წესების უგულებელყოფა და თანაგუნდელების შეურაცხყოფა, ეს არის პროცესი, რომელიც ზიანს აყენებს პარტიას. პროცესების ასე განვითარება, რომელიც სააკაშვილის მხრიდან ხდება თანაგუნდელების შეურაცხყოფა, აღრმავებს პარტიის დაშლის შესაძლებლობას,“ - განაცხადა ელენე ხოშტარიამ.