,,მიხეილ სააკაშვილის დაქვემდებარებაში მყოფი ჯგუფი პარტიის ყრილობის ლეგიტიმურობას კითხვის ნიშნის ქვეშ აყენებს"

,,მიხეილ სააკაშვილის დაქვემდებარებაში მყოფი ჯგუფი პარტიის ყრილობის ლეგიტიმურობას კითხვის ნიშნის ქვეშ აყენებს" - ბოკერია

პოლიტიკა - 21:23, 27 Dec, 2016

2331

„ერთიანი ნაციონალური მოძრაობის“ ერთ-ერთი ლიდერის გიგა ბოკერიას განცხადებით, საქართველოს მესამე პრეზიდენტის, მიხეილ სააკაშვილის დაქვემდებარებაში მყოფი ჯგუფი, სამართლებრივად, ენმ-ს ყრილობის ლეგიტიმურობას კითხვის ნიშნის ქვეშ აყენებს. ამის შესახებ ბოკერიამ პარტიის პოლიტსაბჭოს კვორუმის არშედგომის საკითხის კომენტირებისას განაცხადა:

”მთავარი პრობლემა არის ზოგადი დამოკიდებულება. ის, რაც დაიწყო პარლამენტში შესვლის საკითხთან დაკავშირებით - კამპანია “ღალატზე”, “ივანიშვილთან გარიგებაზე”, მერე უკვე უგულებელყოფა ხდება საკუთარი პარტიის, ორგანოების და არის დამოკიდებულება - მნიშვნელობა არ აქვს რას იზამს პოლიტსაბჭო. თუ პოლიტსაბჭო მიიღებს ისეთ გადაწყვეტილებას, რომელიც ვიღაცას აწყობს, მაშინ ეს კარგია და თუ მერე რაღაც საფრთხე დაინახეს, ბოიკოტს უცხადებენ.

მეორე მხარე სრულიად საპირისპიროდ იქცევა, თუ არ მოსწონთ ან პერსპექტივაში ხედავენ რაიმე საფრთხეს ლეგიტიმური ორგანოების გადაწყვეტილებაში, ისინი ან ბოიკოტს ახდენენ, ან უგულებელყოფენ, ან ღალატზე და შეთქმულებაზე საუბრობენ. მთავარი პრობლემა ის არის, რომ ივანიშვილის რეჟიმის გამო ქვეყანა ძალიან მძიმე მდგომარეობაშია ეკონომიკურად, პოლიტიკურად, უსაფრთხოების თვალსაზრისით და ამ გზით, ამ მეთოდებით და ამ დამოკიდებულებით, რომ ბელადი რასაც იტყვის ავტომატურად მართალია, არც პროცედურებს აქვს მნიშვნელობა. ტალახი შეიძლება ესროლო შენს თანაგუნდელებს და ყოფილი თანაგუნდელები უწოდო იმიტომ, თუ არ დაგეთანხმდნენ რაღაცაში, ამ გზით ქვეყნის წინსვლა ამ რეჟიმის დამარცხება ვერ მოხერხდება და სწორედ ამიტომაა პირველ რიგში ეს გამოწვევა”, - განაცხადა ბოკერიამ.