„ერთიანი ნაციონალური მოძრაობის“ პოლიტსაბჭოს წევრთა ნაწილი სხდომაზე არ გამოცხადდა, რის შედეგადაც პარტიის პოლიტსაბჭოს სხდომა კვორუმის არარსებობის გამო ჩაიშალა.შეფასება გააკეთა ერთიანი ნაციონალური მოძრაობის პოლიტიკური საბჭოს წევრმა, ზაზა ბიბილაშვილმა:

„პოლიტსაბჭოს 30-მა წევრმა უკვე დაასახელა კვოტით გათვალისწინებული შესაბამისი 6 წევრი, რომელმაც დააკომპლექტა საორგანიზაციო კომისია. სამწუხაროდ, პოლიტსაბჭოს დანარჩენი წევრები დღემდე თავს არიდებენ მათი კვოტით გათვალისწინებულ, ანუ 5 ადამიანზე ერთი წარმომადგენლის დანიშვნას და ამის ნაცვლად, ხდება ამა თუ იმ ტექნიკური საბაბით პედალირება ყრილობის გადადების იდეის, რაც, ბუნებრივია, არ მოხდება, ყრილობა ჩატარდება 20 იანვარს,“ - განაცხადა ზაზა ბიბილაშვილმა.