საყოფაცხოვრებო მოხმარებისთვის 2017 წელს წყალმომარაგების ფასი უცვლელი რჩება „ჯორჯიან უოთერ ენდ ფაუერის“ მომხმარებლებისთვის. აღნიშნული გადაწყვეტილება სემეკმა დღევანდელ საჯარო სხდომაზე მიიღო.

გამრიცხველიანებული მომხმარებლებისთვის წყალმომარაგების ზღვრული ტარიფი 0.225 ლარი კუბურ მეტრზე იქნება, ანუ ეს ტარიფი უცვლელი რჩება. ასევე უცვლელი დარჩა გაუმრიცხველიანებელი საყოფაცხოვრებო მომხმარებლებისთვის წყალმომარაგების ზღვრული ტარიფი და ის თვეში ერთ სულზე კვლავ 2,667 ლარს შეადგენს.

არასაყოფაცხოვრებო მომხმარებლებისთვის წყალმომარაგების ზღვრულ ტარიფს კი რაც შეეხება, ნაცვლად 3.729 ლარისა 3.743 ლარი გახდა კუბურ მეტრზე.