სამხედრო პოლიციის ყოფილი თანამშრომელი შოთა მათითაიშვილი თავდაცვის მინისტრსა და გენშტაბის უფროსის მოადგილეს სამსახურში აღდგენას სთხოვს. მისი განცხადებით, იგი სამსახურიდან ყოველგვარი გაფრთხილების, კომპენსაციისა და ალტერნატიული დასაქმების წყაროს გარეშე გაათავისუფლეს:

"ჩვენს ადგილას დაიწყეს სხვა სამხედრო მოსამსახურეების დანიშვნა. ეს დააბრალეს ქამრების შემოჭერას. ჩვენი მოთხოვნა არის, რომ სასწრაფოდ აღგვადგინეთ სამსახურებში ან შემოგვთავაზეთ რაიმე ალტერნატიული,“ - აცხადებს სამხედრო პოლიციის აღმოსავლეთ ბატალიონის ყოფილი თანამშრომელი, შოთა მათითაიშვილი.

მოთხოვნის შეუსრულებლობის შემთხვევაში, ყოფილი სამხედრო სასამართლოში გასაჩივრებას აპირებს.