ჯონი ხეცურიანი კონსტიტუციაში მთავრობისა და პარლამენტის ურთიერთობის საკიხთის დახვეწაზე საუბრობს

პოლიტიკა - 15:18, 24 Dec, 2016

963

საკონსტიტუციო კომისიის პირველი სხდომის დაწყებამდე ჟურნალისტებისთვის კომენტარი კონსტიტუციონალისტმა ჯონი ხეცურიანმა გააკეთა და იმ საკითხებზე ისაუბრა, რომლებიც კონსტიტუციაში დასახვეწია:

„მნიშვნელოვანი სხვა საკითხებია, რომლებიც გადასაწყვეტია, მაგალითად მთავრობისა და პარლამენტის ურთიერთობის საკითხი, რომელიც არის დასახვეწი. სრულიად ბუნდოვანი და გაუგებარია, მაგალითად უნდობლობის კონსტრუქციული ვეტოს ის მოდელი, რომელიც ამ მოდელშია. იმდენად რთული პროცედურაა, ფაქტობრივად უნდობლობას ვერ უცხადებს პარლამენტი, იმდენად დახლართული მექანიზმებია შიგნით ჩადებული, ამიტომ, გაწონასწორების, კონსტროლის, შეკავების მექანიზმები დასახვეწია და პირველ რიგში ეს საკითხი უნდა გადაწყდეს“, - აღნიშნავს ჯონი ხეცურიანი.

შეგახსენებთ, რომს აქართველოს პარლამენტის ტავმჯდომარის დადგენილება საკონსტიტუციო კომისიის წევრებთან დაკავშრებით გუშინ გამოქვეყნდა. კომისიაში 73 წევრი შედის, თუმცა მუშაობაში ჩართულობაზე უარს აცხადებს პრეზიდენტის ადმინისტრაცია.

ახალი შემადგენლობა დღეს პირველად შეიკრიბა. კომისიის 73 წევრიდან 23 წევრი -უმრავლესობას, 8 - ნაციონალურ მოძრაობას, 2 - პატრიოტთა ალიანსს, თითო-თითო კი ლეიბორისტებს, თავისუფალ დემოკრატებს და დემოკრატიულ მოძრაობას ჰყავს. კომისიაში შედიან აღმასრულებელი ხელისუფლების, არასამთავრობო ორგანიზაციების წარმომადგენლები და ექსპერტები.

საკონსტიტუციო კომისიის სხდომა პარლამენტის თავმჯდომარემ გახსნა.