აუდიტის სამსახური საკონსტიტუციო ცვლილებებს ითხოვს იმასთან დაკავშრებით, რომმას მიენიჭოს მანდატი, საკონსტიტუციო სარჩელით მიმართოს საკონსტიტუციო სასამართლოს მაშინ, როცა ირღვევა აუდიტის სამსახურის უფლებები. ამის შესახებ განცხადება ლაშა თორდიამ საკონსტიტუციო კომისიის სხდომის დაწყებამდე ჟურნალისტებისთვის გააკეთა:

„ჩვენ გვქონდა წინადადებები გადაგზავნილი, რომელიც გულისხმობს პირველ რიგში იმას, რომ ვითხოვთ, შევიდეს კონსტიტუციური ცვლილებები, რომ აუდიტის სამსახურს მიენიჭოს მანდატი, რომ საკონსტიტუციო სარჩელით მიმართოს საკონსტიტუციო სასამართლოს მაშინ, როცა ირღვევა აუდიტის სამსახურის უფლებები. მაგალითად, იცვლება კანონი, რაც ზღუდავს აუდიტის სამსახურის მანდატს. ასევე ვითხოვთ, რომ აუდიტის სამსახურის შესახებ კანონი გახდეს ორგანული, რათა მაღალი ლეგიტიმაცია ჰქონდეს და გვაქვს სურვილი, რომ აუდიტის სამსახურს მიენიჭოს საგადასახადო შემოსულობების შემოწმების უფლება. აღნიშნული სამი წინადადება გვაქვს წარდგენილი და იმედი გვაქვს, რომ საკონსტიტუციო კომისია მათ გაითვალისწინებს“, - განაცხადა ლაშა თორდიამ.