„ჩემი ხალხის გულისტკივილი მალაპარაკებს ამას“

„ჩემი ხალხის გულისტკივილი მალაპარაკებს ამას“ - ემიგრანტი საბერძნეთიდან

სოც.მედია - 13:19, 24 Dec, 2016

5590

„მივმართავ საქართველოს მთავრობას! პოსტი შეიძლება ცოტა კრიტიკული გამომივიდეს, - წერს სოციალურ ქსელში საბერძნეთში მცხოვრები ქართველი ემიგრანტი და კანონმდებლებს კანონებში ქვემოთ მოყვანილი ცვლილებების შეტანას სთხოვს.
მაიკო აბესაძე: „ნამდვილად არ მინდა ჩემს ქვეყანას გული ვატკინო ჩემი კრიტიკით , მაგრამ ხომ შეიძლება კანონების შექმნის დროს რაიმე გაითვალისწინოთ საზოგადოებისთვის და ქვეყნისთვის სასარგებლოც? კერძოდ მინდა პენსიებზე ვისაუბრო დღეს. მე საბერძნეთში ვიკითხე ყველაზე ჩამორჩენილი ქვეყნის ემიგრანტებთან რომ , მათ ქვეყანაში, ასაკოვანი მამაკაცი რომ იღუპება მისი პენსია თუ გადადის მის მეუღლეზე-თქო და მიპასუხეს რომ კიო. აბა მისმა ასაკოვანმა მეუღლემ როგორ უნდა იცხოვროსო. თან გაუკვირათ ჩემი კითხვა. მე კი შემრცხვა და ვერ ვუთხარი რომ საქართველოში ასე არ არისთქო .ჩვენთან თუ კაცი კვდება პენსიაც კვდებათქო.არ მინდოდა ჩემი ქვეყნის ,იმ ქვეყნის, რომელიც მიილტვის ევროკავშირში შესასვლელად, ასეთი ჩამორჩენილი ქვეყნების თვალში დამემდაბლებინა თავისი უსუსური კანონებით. გავჩუმდი და წყალი ჩავიგუბე პირში თევზივით. მაგრამ არ შემიძლია რომ ეს კითხვა არ დავუსვა ჩემს ქვეყანას, როგორ აპირებთ შესვლას ევროკავშირში როცა ყველაზე ჩამორჩენილ ქვეყნებსაც ვერ უტოლდებით კანონების შექმნაში? გული მტკივა და ჩემი გულისტკივილი და ჩემი ხალხის გულისტკივილი მალაპარაკებს ამას. იქნებ შეიტანოთ პატარა ცვლილებები კანონებში ჩემო ქვეყანავ და ჩემო ლამაზო საქართველოვ. ასეთი უსუსური კანონებით გაგიჭირდებათ ევროკავშირში შესვლა. მადლობას მოვიხდი თუ გამოეხმაურებით ამ პოსტს.