სამომხმარებლო ტარიფების ზრდასთან დაკავშრებით კომენტარს აკეთებს საქართველოს ენერგეტიკის მინისტრის მოადგილე ილია ელოშვილი. მისი თქმით, სამინისტროს აქვს ინფორმაცია იმის შესახებ, რომ სამომხმარებლო ტარიფები არ გაიზრდება, თუმცა, მისივე თქმით, ეს სავარაუდო ინფორმაცია, რადგან ტარიფების საკითხი სემეკის კომპეტენციაა:

„მოთმინება ვიქონიოთ, დაველოდოთ სემეკის გადაწყვეტილებას, ამ ქვეყანაში ტარიფებს ადგენს სემეკი, შესაბამისად რამდენიმე დღეში გამოჩნდება რა დაემართება ტარიფს, ის რომ თბოსადგურების ტარიფი გაიზარდა, ეს არ ნიშნავს იმას, რომ სამომხმარებლო ტარიფი გაიზრდება. ჩვენი ვარაუდების დონეზე, ტარიფები წესით არ უნდა გაიზარდოს, მიუხედავად კურსის ცვლილებისა“, - აღნიშნავს ილია ელოშვილი.