,,ბავშვის ხელი მეჭირა და მთელი ხმით ვღრიალებდი“ - რას წერს დედა ერთერთ კლინიკაში მომხდარი დაუდევრობის შესახებ

სოც.მედია - 17:25, 21 Dec, 2016

58913

„ვენის მაგივრად წამალი გაუშვეს ხორცში. გამწარებული ვარ. ასეთ არამცოდნე და უყურადღებო პერსონალს რა უნდა ამ ბუმბერაზ საავადმყოფოში“? - კითხულობს მარიტა ვარძელაშვილი და სოციალურ ქსელში შემდეგ პოსტს აქვეყნებს.
მარიტა ვარძელაშვილი: „ვივიანა მყავს საავადმყოფოში, დიაგნოსტიკურ ცენტრში, პედიატრიულში. ფილტვების ანთებით, მაღალი ტემპერატურით მოვიყვანე, მესამე დღეა უკეთესობა აქვს და მთელი დღე კარგად იყო.
საღამოს 12 საათზე მოვედი სამსახურიდან და ატირებული დამხვდა. მითხრეს რომ 10 წუთის წინ გაუკეთეს დექსა და ცეპტრიაქსონი ვენის კათეტერში. ბავშვი დედას ეჭირა და ძალიან ტიროდა. გამოვართვი და მივიხუტე გულზე , კათეტერიან ხელს დავხედე და გალურჯებული, შეშუპებული ჰქონდა თითები. გავიყვანე ექთანთან და ვთხოვე ამოეღოთ კათეტერი, რაზეც მან საკმაოდ უხეშად მიპასუხა რომ დედაჩემს არ ჰქონია ამასთან დაკავშირებით პრეტენზია (ჩემს მოსვლამდე დედაჩემი იყო ბავშვთან). კათეტერის ვარგისიანობის დასამტკიცებლად მან ამოიღო შპრიცით ფიზიოლოგიური ხსნარი და შეუშვა ვენაში , რაზეც ბავშვი გამწარებით ატირდა. მაჯა შესიებული ჰქონდა, ვკითხე ექთანს მიზეზი, რაზეც მიპასუხა რომ იცის ეს კათეტერმა. გულმა არ მომითმინა და ავუწიე ვივიანას სახელოები იდაყვამდე. მოვკიდე ხელი და ისეთი გასიებული და გამაგრებული ხელი არსად მინახავს. ხმის კანკალით ვკითხე ეს რა არისთქო ,მერე უფრო ავუწიე ხმას, მერე უკვე აფექტში ჩავვარდი და მთელი ხმით ვყვიროდი, ვღრიალებდი ოღონდ უკვე აღარ მახსოვს რას. ბავშვის ხელი მეჭირა და საშინელ ტკივილს ვგრძნობდი გულის არეში , წნევამ ამიწია ეტყობა, სახეზე და ყელის მიდამოებში წითლად გამომაფინა. დაურეკეს ქირურგს და მოიყვანეს (წარმოიდგინეთ საქმე ქირურგამდეც მივიდა). დაადეს საფენები ხელზე და შეუხვიეს. ბავშვი გამწარებული ტიროდა ,მე მთელი ხმით ვყვიროდი ,რაზეც ბოდიშს ვუხდი პაციენტებს და მათ მშობლებს ,აჟიოტაჟის ატეხვისთვის. ცოტა ხნის შემდეგ ვივიანა ჟანბადზე შევაერთეთ და ნაკლებობა აღმოაჩნდა. 10 წუთი ვიჯექი და მერე დავაკვირდი, რომ აპარატიდან არაფერი არ გამოდიოდა და ვუთხარი კიდეც ექთანს. ნორმაზე არ დაუყენებია თურმე და იმიტომ არ მუშაობდა .... ამ ყველაფრის მერე ვზივარ ახლა ვივიანას თავთან და წამდაუწუმ ვაერთებ ჟანგბადზე , რომ ისევ არ დაუვარდეს და სიმწრისგან სულ ვკანკალებ. ასეთ არამცოდნე და უყურადღებო პერსონალს რა უნდა ამ ბუმბერაზ საავადმყოფოში (ყველას არ ეხება რა თქმა უნდა ,მაგრამ ძალიან ბევრია აქ ასეთი). ვენის მაგივრად წამალი გაუშვეს ხორცში.“