ანა დოლიძემ დისკუსიაში „თანამედროვე მსოფლიო წესრიგის ტრანსფორმაცია“ მიიღო მონაწილეობა

პოლიტიკა - 15:42, 21 Dec, 2016

1659

საქართველოს პრეზიდენტის საპარლამენტო მდივანმა ანა დოლიძემ დისკუსიაში „თანამედროვე მსოფლიო წესრიგის ტრანსფორმაცია“ მიიღო მონაწილეობა, რომელიც პროფესორ გეორგი დერლუგიანის საქართველოში ვიზიტის ფარგლებში ჩატარდა.

„კავკასიურ სახლში“ გამართულ დახურულ დისკუსიაში სახელმწიფო უწყებებისა და არასამთავრობო ორგანიზაციების წარმომადგენლები მონაწილეობდნენ და იგი გაერთიანებული სამეფოს კონფლიქტის, სტაბილურობისა და უსაფრთხოების ფონდის მხარდაჭერით ჩატარდა.

პრეზიდენტის საპარლამენტო მდივნის ანა დოლიძის განცხადებით, ჩვენს რეგიონში ვითარება ძალიან სწრაფად ვითარდება და იცვლება სიტუაცია. ჩვენ გვყავს ძალიან ძლიერი რეგიონული მეზობლები - რუსეთი და თურქეთი, ირანი და ზოგადად ჩვენი რეგიონი ხშირად ხდება ყურადღების ცენტრში. „აქედან გამომდინარე, ძალიან მნიშვნელოვანია, რომ საქართველო იყოს ის ადგილი, სადაც მოხდება სერიოზული, ანალიტიკური დისკუსია - მსოფლიოს წესრიგზე და რეგიონის მომავალზე. დღეს ძალიან ცნობილ მეცნიერთან გეორგი დერლუგიანთან ერთად გვაქვს საშუალება ვიფიქროთ რეგიონის მომავლისა და საქართველოს როლის შესახებ“, - განაცხადა ანა დოლიძემ.