„ჩვენ ვართ ჩვენი თავისა და ქვეყნის მესაკუთრეები“ - წერს სოციალურ ქსელში გოგა ჩანადირი და ფბ.მეგობრებს ფეისბუქ აქციაში "ვყიდულობთ ქართულს" ჩართვას მოუწოდებს.

გოგა ჩანადირი: „იცით, რომ საქართველოში ძალიან მომრავლდა ალერგია და კუჭ-ნაწლავის დაავადება?
იცით, რომ საქართველოს მოსახლეობის დიდ ნაწილს იმუნიტეტი დაუქვეითდა?

იცით, რომ ამის მიზეზი ქართული საკვების არასაკმარისად მიღებაა?
ჩვენ ვეღარ ვიღებთ საკმარის მინერალებსა და მიკროელემენტებს, რაც გენეტიკურად არის ჩადებული და რაც მხოლოდ ქართული წყალსა და ამ წყლით მოყვანილ ხილ-ბოსტნეულშია.

იცით, რომ ქართული ეკონომიკა იმიტომ ვერ ვითარდება, რომ ქართული ნაწარმი არ იყიდება?
იცით, რომ ლარის კურსი ეცემა იმიტომ, რომ იმპორტი უფრო დიდია, ვიდრე ექსპორტი და ამის გამო დიდი ოდენობით დოლარი გაედინება?
იცით, რომ ამ პრობლემის მოგვარება მხოლოდ ერთი ნაბიჯით შეგვიძლია?

რა არის ეს ერთი ნაბიჯი?
მხოლოდდამხოლოდ ქართული ნაწარმის შეძენა და ჩვენიანების გაძლიერება.
მაშინ უფრო დიდი თანხა დარჩება ქვეყანაში, უფრო მეტი დასაქმდება, ხელფასს მიიღებს და ამით განათლებას მისცემს შვილებს და მათ თბილად ჩააცმევს.
დღეიდან ვიწყებ ფეისბუქ აქციას "ვყიდულობთ ქართულს".
ვისაც საკუთარი ქვეყნის ბედი, თანამოქალაქეების მდგომარეობა, საკუთარი ჯანმრთელობა გაწუხებთ, გიწვევთ აქციაში.
ჩაერთეთ, იყიდეთ რომელიმე ქართული ნაწარმი, გადაიღეთ ფოტო, ატვირთეთ კედელზე და გამოიწვიეთ არანაკლებ 5 ადამიანი.
ჩვენ ვართ ჩვენი თავისა და ქვეყნის მესაკუთრეები
აქცია
#ვყიდულობთქართულს“