„ყველაფერშიკი“ ხართ ბატონო რომან! - დაპირისპირება გოცირიძესა და ჭიჭინაძეს შორის

პოლიტიკა - 15:45, 20 Dec, 2016

4761

პარლამენტის დარგობრივი ეკონომიკისა და ეკონომიკური პოლიტიკის სხდომაზე რომან გოცირიძესა და "ქართული ოცნების" დეპუტატს დავით ჭიჭინაძეს შორის კამათი მოხდა.
მმართველი ძალის წარმომადგენელმა ოპოზიციონერ კოლეგას "ყველაფერჩიკი" უწოდა.

დავით ჭიჭინაძის გაღიზიანება გოცირიძის განცხადებამ გამოიწვია:"განცხადებები, რომ ენერგოტარიფები არ გაიზრდება, საზოგადოების შეცდომაში შეყვანაა".

ოპოზიციის დეპუტატი დაინტერესდა, რატომ გადაუხადა გასულ წელს ქართულმა მხარემ რუსეთს იმ ელექტროენერგიის საფასური, რომელიც რუსეთმა აფხაზეთს მიაწოდა და კითხვით სემეკის თავმჯდომარეს მიმართა.

”ნუ შეგყავთ საზოგადოება შეცდომაში, ლარის ამ კურსის პირობებში შეუძლებელია, რომ ტარიფები არ გაიზარდოს, მითუმეტეს ამბობთ, რომ იმპორტის ხვედრითი წონა მცირდება. იმ რაოდენობით მცირდება, რომ მთლიანად შეუძლია მას დააბალანსოს მოხმარების ზრდა? გაზის ფასი დოლარშია და კატასტროფული ზრდა იქნება ლარის ამ კურსში გადაყვანილი. ნუ იძლევით გარანტიას”, - მიმართა გოცირიძემ სემეკ-ის თავმჯდომარეს.

ენმ-ს ლიდერის განცხადებას ჭიჭინაძის მხრიდან ასეთი შეფასებამოჰყვა:

”რომან გოცირიძემ იცის ყველაფერი და მორალს გვიკითხავს. დავიღალეთ უკვე. ვერ გაგიგიათ აფხაზეთს რატომ ვუხდით ელექტროენერგიის ფულს?”, - აღნიშნა ჭიჭინაძემ, რაზეც რომან გოცირიძემ უპასუხა, რომ ის აფხაზეთიდანაა და იცის, რა ხდება აფხაზეთში.

”თქვენ ყველაფერი იცით. „ყველაფერშიკი“ ხართ ბატონო რომან! საერთოდ ასეთი ჩვევა გაქვთ ”ნაციონალებს”, „ყველაფერშიკები“ იყავით ეტყობა”, - განაცხადა დავით ჭიჭინაძემ.