დღეს, რუსეთის საელჩოსთან, საქართველოს ევროპულ ფასეულობათა ინსტიტუტის და ა/ო დამოუკიდებელი კვლევითი ცენტრის ინიციატივით, გაიმართა სოლიდარობის აქცია „არა გენოციდს“. აქციას ესწრებოდა ასამდე ადამიანი, რომლებიც აპროტესტებდნენ სირიაში და კერძოდ, ქალაქ ალეპოში მიმდინარე პროცესებს.

როგორც დამოუკიდებელი კვლევითი ცენტრის დამფუძნებელი გივი კუბლაშვილი აცხადებს - უდანაშაულო ადამიანებისა და კონკრეტულად ბავშვების ხოცვაში რუსეთის ხელი ურევია, რადგან სირიის ხელისუფლებას რუსეთის ფედერაცია ეხმარება. აქციაც სწორედ იმიტომ დაიგეგმა რუსეთის საელჩოსთან, რომ სირიაში არსებული მდგომარეობა რუსეთის მიერ არის პროვოცირებული. ჩვენ კარგად გვახსოვს, რუსეთის პატრიარქის კირილის განცხადება, რომ ეს არის წმინდა ომი და მან ამ სიტყვებით გაამართლა ბავშვების კვლა და ერის გენოციდი.

ამავე ორგანიზაციის თავმჯდომარის მოადგილი, გიორგი ჭიკაძის განცხადებით - აუცილებელია ერთ მუშტად შეიკრას მთელი ცივილიზებული სამყარო და წინ აღუდგეს ჰოლოკოსტს XXI-ე საუკუნეში, არ შეიძლება იმ ყველაფრის დაშვება, რაც ამ წუთებში სირიაში ხდება. დასავლეთმა აუცილებლად უნდა გაუწიოს სირიელ ხალხს დახმარება.

აქციამ მშვიდობიან გარემოში ჩაიარა. აქციის მონაცილეებმა სანთლებით და პლაკატებით გამოსახეს “STOP RUSSIA“ რითაც მოთხოვეს მსოფლიოს, შეაჩერონ რუსეთის მიერ ხელშეწყობილი გენოციდი.