დედაქალაქის 2017 წლის ბიუჯეტს საკრებულოში კენჭს დღეს უყრიან. უკვე ცნობილია, რომ დოკუმენტს "ერთიანი ნაციონალური მოძრაობა" მხარს არ დაუჭერს. მათი თქმით, ჩასწორებულ ვარიანტში მთავარი შენიშვნები არ არის გათვალისწინებული. მათ შორის სოციალური მიმართულებით და დასაქმების კუთხით.

საკრებულოს უმრავლესობაში აცხადებენ, რომ ბიუჯეტი ქალაქზე და მოსახლეობაზეა ორიენტირებული და გათვალისწინებულია ყველა მნიშვნელოვანი შენიშვნა. უმრავლესობის თქმით წლევანდელ საფინანსო დოკუმენტში მკვეთრადაა შემცირებული ადმინისტრაციული ხარჯები, მერია ამ კუთხით შარშანდელთან შედარებით, 22 მილიონი ლარით ნაკლების დახარჯვას გეგმავს.

თბილისის ბიუჯეტი ჯამში 801 მილიონი ლარია. ძირითად პრიორიტეტულ საკითხებს სოციალური მიმართულება და სკოლამდელი განათლება წარმოადგენს.