რატომ დაივიწყა პარლამენტმა პრეზიდენტის განცხადება კონსულტაციების დაწყების შესახებ

პოლიტიკა - 22:06, 15 Dec, 2016

2097

საკონსიტუტციო კომისია მთავრობის მხრიდან პრეზიდენტის ადმინისტრაციასთან დაპირისპირების მორიგ მიზეზად იქცა. რატომ გააკეთა დღეს პარალემენტის თავმჯდომარემ განცხადება იმის შესახებ, რომ პრეზიდენტის მხრიდან შეთავაზება კონსულტაციების გარეში იყო გაკეთებული, მაშინ როცა პრეზიდენტის ადმინისტრაციამ სწორედ კონსულტაციების დაწყების შესახებ ჯერ კიდევ ორი თვით ადრე განაცხადა. ,,კონსულტაციების გარეშე გაკეთდა ეს შემოთავაზება. შესაბამისად ჩვენ არ დაგვრჩა სივრცე არც კონსულტაციებისთვის და გამომდინარე იქიდან, რომ ფორმატი იყო ჩვენი აზრით აბსოლუტურად არარაციონალური და შესაბამისობაში არ იყო ეს ფორმატი კონსტიტუციის ლოგიკასთან. აქედან გამომდინარე ჩვენ არ შეგვეძლო ამ ფორმატზე დათანხმება“ - განაცხადა დღეს ირაკლი კობახიძემ.

საქართველოს პრეზიდენტი მზადაა საქართველოს კონსტიტუციაში შესატანი ცვლილებების მოსამზადებლად დააფუძნოს სამუშაო ჯგუფი - ეს განცხადება პრეზიდენტის ადმინისტრაციაში მიმდინარე წლის 19 ოქტომბერს გაკეთდა.

როგორც მაშინ საქართველოს პრეზიდენტის ადმინისტრაციის უფროსმა გიორგი აბაშიშვილმა განაცხადა საქართველოს პრეზიდენტი მიესალმება პრემიერმინისტრის ინიციატივას და მზადაა საქართველოს კონსტიტუციაში შესატანი ცვლილებების მოსამზადებლად დააფუძნოს სამუშაო ჯგუფი საქართველოს პრეზიდენტის, საქართველოს პრემიერმინისტრისა და საქართველოს პარლამენტის თავმჯდომარის თანათავმჯდომარეობით და დღესვე დაიწყოს კონსულტაციები სამუშაო ჯგუფის საქმიანობის წესსა და სტრუქტურაზე.

,,ჩვენ მზად ვართ, რომ დღესვე დავიწყოთ კონსულტაციები აღნიშნული სამუშაო ჯგუფის საქმიანობის წესსა და სტრუქტურაზე. ამავდროულად, ძალიან მნიშვნელოვანია, რომ ჩვენ გავითვალისწინოთ წინა საკონსტიტუციო კომისიის მუშაობის გამოცდილება იმისათვის, რომ აღნიშნული ახალი საკონსტიტუციო სამუშაო ჯგუფი არ იყოს ისეთივე არაეფექტიანი, როგორც ეს წინა საკონსტიტუციო კომისია იყო“, - განაცხადა საქართველოს პრეზიდენტის ადმინისტრაციის უფროსმა გიორგი აბაშიშვილმა.