,,ჩვენ არ დაგვრჩა სივრცე კონსულტაციებისთვის“ - კობახიძე პრეზიდენტის შეთავაზებას არალოგიკურს უწოდებს

პოლიტიკა - 14:30, 15 Dec, 2016

562

საკონსტიტუციო კომიციის ფორმატის შესახებ პარლამენტში მიმდინარე განხილვზე ირაკლი კობახიძემ პრეზიდენტის მიერ გაკეთებულ შეთავაზებას არალოგიკური უწოდა. კობახიძე ამბობს, რომ შეთავაზება კონსულტაიების გარეშე გაკეთდა.

„ შემოთავაზება საჯაროდ იყო გაკეთებული კონკრეტულ ფორმატთან დაკავშირებით. კონსულტაციების გარეშე გაკეთდა ეს შემოთავაზება. შესაბამისად ჩვენ არ დაგვრჩა სივრცე არც კონსულტაციებისთვის და გამომდინარე იქიდან, რომ ფორმატი იყო ჩვენი აზრით აბსოლუტურად არარაციონალური და შესაბამისობაში არ იყო ეს ფორმატი კონსტიტუციის ლოგიკასთან. აქედან გამომდინარე ჩვენ არ შეგვეძლო ამ ფორმატზე დათანხმება.

საჯაროდ როცა კეთდება შემოთავაზება, შენც საჯაროდ უნდა უპასუხო. კონსულტაციის გარეშე წამოვიდა ეს შემოთავაზება. პრაქტიკულად ერთგვარი ულტიმატუმი გაჩნდა. ან უნდა დაგვეკმაყოფილებინა ან გამოდიოდა რომ ჩვენ უარვყოფდით პრეზიდენტის ინიციატივას. სხვა სივრცე ჩვენ არ გვქონდა. ეს იყო რეალურად პოზიციის ერთადერთი საფუძველი.

საქართველოს პრეზიდენტთან არც კინკლაობის ან სხვა სახით დაპირისპირების სურვილი არ მაქვს. ჩვენ ვართ შემართული იმისთვის რომ გვქონდეს აბსოლუტურად კონსტრუქციული თანამშრომლობა. ჩვენ პრეზიდენტთან ბევრ სხვა სფეროში დაგვჭირდება მუდმივი თანამშრომლობა“,-განაცხადა ირაკლი კობახიძემ.