ე.წ. კაბელების საქმის განხილვა მიმდინარეობს სააპელაციო სასამართლოში. ბრალდების მხარე დასკვნით სიტყვას წარმოთქვამს, რასაც ბრალდებულების საბოლოო სიტყვა მოჰყვება. გახმაურებულ საქმეზე გადაწყვეტილების მისაღებად სათათბირო ოთახში მოსამართლეები დღეს გავლენ.

პარტია „თავისუფალი დემოკრატების“ ყოფილი ლიდერი, ირაკლი ალასანია იმედოვნებს, რომ სასამართლო პირველი ინსტანციის შეცდომას გამოასწორებს:

„მართალი ადამიანების ციხეში ჩასმა არის, რა თქმა უნდა, დანაშაული და ამ დანაშაულის თანამონაწილე იყო მთავარი პროკურატურა, პოლიტიკური ელიტა და სასამართლო. ამ ინსტანციის სასამართლოს აქვს შანსი, რომ ეს სამარცხვინო ლაქა რაღაცნაირად ჩამოირეცხოს და ცოტა ეს დანაშაული შეამსუბუქოს,“ - აცხადებს ირაკლი ალასანია.