ჩამდინარე წყლების გაწმენდის ინოვაციურ ტექნოლოგიებთან დაკავშირებით გარემოს დაცვის სამინისტროში შეხვედრა გაიმართა

პოლიტიკა - 13:27, 15 Dec, 2016

1496

გარემოსა და ბუნებრივი რესურსების დაცვის სამინისტროში აშშ-ს საერთაშორისო განვითარების სააგენტოს (USAID) “მმართველობა განვითარებისათვის” პროექტის “წყლის რეციკლირების და ჩამდინარე წყლების გაწმენდის ინოვაციური ტექნოლოგიები” ფარგლებში საკონსულტაციო შეხვედრა გაიმართა.

პროექტის ძირითადი მიზანია მდინარე არაგვის საპილოტე აუზში სამრეწველო სექტორის მიერ წყლის გამოყენების შეფასება და წყლის გამოყენების და ჩამდინარე წყლების გაწმენდის ეფექტური ტექნოლოგიების გამოყენების შესაძლებლობების მოძიება. კერძოდ, პროექტის ფარგლებში განხორციელდა მდინარე არაგვის აუზში სხვადასხვა ტიპის სამრეწველო ობიექტების მიერ წყლის გამოყენების და ჩამდინარე წყლების მართვის არსებული პრაქტიკის შესწავლა და ანალიზი, რისი გათვალისწინებითაც, უცხოელი ექსპერტების მიერ მომზადდა სარეკომენდაციო სახელმძღვანელო ჩამდინარე წყლების გაწმენდის ეფექტური მეთოდების შესახებ. პროექტს ახორციელებს ორგანიზაცია GEO (Georgia’s Environmental Outlook).

შეხვედრაზე პროექტის ძირითადი შედეგები წარმოადგინეს და აღნიშნული სახელმძღვანელოს პრეზენტაცია გაიმართა. შეხვედრას გარემოსა და ბუნებრივი რესურსების სამინისტროს წყლის რესურსების მართვის სამსახურის, გარემოზე ზემოქმედების ნებართვების დეპარტამენტის და ზედამხედველობის დეპარტამენტის წარმომადგენლები ესწრებოდნენ.