„როგორ ვიშოვოთ რამოდენიმე მილიონი მარტივად? “- ზვიად ციკოლიას საიდუმლო

სოც.მედია - 21:08, 14 Dec, 2016

9667

„როგორ ვიშოვოთ რამოდენიმე მილიონი მარტივად?“ - ამ საიდუმლოს ცნობილი სამრეწველო დიზაინერი ზვიად ციკოლია სოციალური ქსელის საშუალებით უმხელს დაინტერესებულ პირებს.

ზვიად ციკოლია: „ წინა საარჩევნოდ ჰქმნი პარტიას ხმაურიანი სახელით, მაგ. "ქრისტიან-განმათავისუფლებელ-დემოკრატ-ლიბერალურ-კონსერვატიული პარტია"
შემდეგი ნაბიჯია: მასმედიის საშუალებით ბევრი ჭიჭყინი, გინება, ყველაფერი გაკეთებულის და გაუკეთებელის ხაზის გადასმა, ფოტოები ფონად სადაც "მაგარ ტიპებთან" ერთად ხარ გადაღებული, პოზიცია-ოპოზიციის გინება და იმის მტკიცება რომ შენ ყოველ ღამე ძილის წინ ცრემლიანი თვალებით იძინებ საქართველოზე ფიქრით, ის რომ დილით იღვიძებ და თურმე ძილშიც ტიროდი რადგან იქაც საქართველოზე ფიქრობდი, შემდეგ ქუჩებში უნდა გახვიდე აუცილებლად მედიასთან ერთად და ვინმე ახლობელმა "ვითომ სრულიად უცნობმა" უნდა ხელები დაგიკოცნოს, დაგლოცოს და მოაყოლოს რომ შენნაირი სუფთა და წმინდა განზრახვების ადამიანი თუ გადაარჩენს ქვეყანას. აუცილებელი ბავშვი აიყვანო ხელში, მაგრად ჩაკოცნო, ასევე არ დაგავიწყდეთ მოხუცების კოცნა. მერე იწყებთ ბრტყელ-ბრტყელი სიტყვებით სადღეგრძელოების სროლას და თქვენს
პარტიულ ყრილობაზე ერთი ორი ცრემლიც გადმოაგდეთ ხმის პატარა კანკალით. აი მერე იწყება უკვე მთავარი, პარტიებთან გაერთიანე, ბლოკების შექმნა და აშ. ეგ ყველაფერი ფული ღირს და ამიტომ ვაჭრობა და თანხები მხოლოდ თქვენს ნიჭზეა დამოკიდებული. თან რაც უფრო ახლოვდება არჩევნები მით უფრო მეტს ყვირიხართ და იგინებით, განსაკუთრებით იმის მისამართით ვინც ქვეყანში ყველაზე მეტ თანხას აკონტროლებს. და აი არჩევნების მერე როცა წააგებთ (რაც თავიდანვე იცოდით) ამბობთ რომ ყველაფერი გაყალბებული იყო, ამდენ ტყუილს უბრალოდ თქვენი გული ვერ გაუძლებს და რამოდენიმე მილიონით უბრალოდ გადგებით გვერდზე და არანაირი პასუხისმგებლობაც არ გექნებათ.“