ეკა ბესელიამ ევროსაბჭოს საპრლამენტო ასამბლეის კომიტეტების სხდომაში მიიღო მონაწილეობა

პოლიტიკა - 19:51, 14 Dec, 2016

1306

პარიზში, ევროსაბჭოს საპრლამენტო ასამბლეის იურიდიულ საკითხთა და ადამიანის უფლებათა დაცვის კომიტეტის სხდომა დასრულდა, რომლის მუშაობაშიცმონაწილება მიიღო საქართველოს პარლამენტის წევრმა, იურიდიულ საკითხთა კომიტეტის თავმჯდომარემ, ეკა ბესელიამ.

კომიტეტმა სხვადასხვა მნიშვნელოვანი და აქტუალური საკითხები განიხილა, მათ შორის ისეთები, როგორიცაა: წამების პრევენციის კომიტეტის 25 წელი, მიღწევებიდა გაუმჯობესების საჭიროება; ინტერპოლის სისტემის ბოროტად გამოყენება - უფრო მკაცრი სამართლებრივი გარანტიების საჭიროება; საერთაშორისოორგანიზაციების იმუნიტეტი იურისდიქციის მიმართ და მათი თანამშრომლების უფლებები; დაკავებული პირების თავიანთ ადვოკატებთან თავისუფალიურთიერთობის უზრუნველყოფა და სხვა.

სხდომის მონაწილეებმა იურიდიულ საკითხთა და ადამიანის უფლებათა დაცვის კომიტეტის მიერ გაცემულ რეკომენდაციებთან დაკავშირებით მინისტრთაკომიტეტის პასუხებზე იმსჯელეს. რეკომენდაციების ნაწილი ევროპული ინსტიტუტების გამჭვირვალობისა და ღიაობის საკითხებს შეეხებოდა.

კომიტეტმა ინვესტიციების დაცვის საერთაშორისო შეთანხმებებში ინვესტორი ქვეყნის არბიტრაჟის ადამიანის უფლებებთან შესაბამისობის საკითხთან დაკავშირებითანგარიშის პროექტი განიხილა და რეზოლუციის პროექტი მიიღეს.

კომიტეტის წევრებმა 2016 წლის 10-13 ოქტომბერს, სტრასბურგში ჩატარებული სხდომის ოქმი დაამტკიცეს. ევროსაბჭოს საპრლამენტო ასამბლეის იურიდიულსაკითხთა და ადამიანის უფლებათა დაცვის კომიტეტის სხდომის პარალელურად, კომიტეტის წევრების მონაწილეობით კონფერენციები, შეხვედრები და სემინარებიგაიმართა.