"გამოძიებასთან დაკავშირებით ჯერჯერობით მხოლოდ კითხვები მაქვს და არც ერთი პასუხი"- თარგამაძე პროკურატურაში მივიდა

პოლიტიკა - 13:38, 14 Dec, 2016

1183

"ნაციონალური მოძრაობის“ წევრი გივი თარგამაძე თბილისის პროკურატურაში იმყოფება.
ის საგამოძიებო ორგანოში ადვოკატთან ერთად მივიდა.

მისი თქმით, დაზარალებულად ცნეს და საქმის მასალების გასაცნობად დაიბარეს.

დეპუტატისთვის გაუგებარია, რაზე დაყრდნობით მოახდინეს დამნაშავის იდენტიფიცირება.

"როგორც იქნა, მცნეს დაზარალებულად. ამის შემდეგ ჯიუტად ამბობდნენ უარს თავიანთი ვალდებულებების შესრულებაზე ანუ საქმის მასალების ჩვენთვის გაცნობაზე. დღეს დილით შეცვალეს პოზიცია და გადაწყვიტეს, რომ საქმის მასალები გაგვაცნონ.
ამ გამოძიებასთან დაკავშირებით ჯერჯერობით მე მაქვს მხოლოდ კითხვები და არც ერთი პასუხი.
ვნახოთ, რას მოიტანს საქმის მასალების გაცნობა. კითხვები ძალიან ბევრია, მათ შორის ის, თუ რაზე დაყრდნობით მოახდინეს დამნაშავის იდენტიფიცირება, ამის საბუთები არ წარმოუდგენიათ", - განაცხადა გივი თარგამაძემ საგამოძიებო უწყებაში შესვლამდე.

რაც შეეხება უშუალოდ მისი აფეთქების საქმეს, დეპუტატი აცხადებს, რომ შთაბეჭდილება რჩება, რომ წისააარჩევნო სიტვაციის გამო მოხდა მისი აფეთქება.
მაქვს შთაბეჭდილება, რომ თვითონ აფეთქება ემსახურებოდა წინასაარჩევნო სიტუაციას, - ამის შესახებ "ნაციონალური მოძრაობის" ერთ-ერთმა ლიდერმა გივი თარგამაძემ თბილისის პროკურატურაში შესვლამდე ჟურნალისტებს განუცხადა.

მისი თქმით, "არჩევნების დამთავრებისთანავე პროკურატურამ დაკარგა ინტერესი ამ საქმის გამოძიების მიმართ".