გარკვეულ დამაშაულებზე პასუხისმგებლობა მკაცრდება, პარლამენტმა შესაბამისი კანონპროექტი პრეზიდენტს ხელმოსაწერად უკვე გადაუგზავნა. ამის შესახებ განცხადება ჟურნალისტებთან პრეზიდენტის საპარლამენტო მდივანმა ანა დოლიძემ გააკეთა:

”მკაცრდება პასუხისმგებლობა მაგალითად ცემაზე, როდესაც ჩადენილია წინასწარი ცნობით, ორსული ქალის მიმართ. ასევე მკაცრდება პასუხისმგებლობა წამებაზე და იზრდება სანქცია წამებასთან დაკავშირებით. უფრო მკაცრად დაისჯება წამება, რომელიც ჩადენილი არის სამედიცინო მანიპულაციების მეშვეობით. ზოგადად, ჩვენ წამებასთან და ძალადობასთან ბრძოლის საქმეში ეს პოზიტიურ ცვლილებად მიგვაჩნია და შესაბამისად, საქართველოს პრეზიდენტი ამ პროექტს დღეს მოაწერს ხელს”, - განაცხადა ანა დოლიძემ.