ტრიალოგის ფარგლებში დღეს შეხვედრა იმართება ევროპარლამენტში ვიზალიბერალიზაციის საკითხზე. ტექსტის საბოლოო ვარიანტზე უნდა შეჯერდნენ ევროპარლამენტის, ევროპის კავშირის საბჭოსა და ევროკომისიის წარმომადგენლები.

ევროკავშირის თავმჯდომარე ქვეყნის საგარეო უწყების ხელმძღვანელი იმედოვნებს, რომ საქართველოსთან დაკავშირებით სავიზო ლიბერალიზაციის მისაღწევად ერთი შეხვედრა საკმარისი იქნება.

"დადებითი განწყობა მაქვს. გაიმართება ტრიალოგის შეხვედრა ევროპარლამენტთან. ამის შემდეგ ეს საკითხი იქნება დღის წესრიგში თანამომხსენებლების შეხვედრაზე, რომელიც 20 დეკემბერს გაიმართება. აღარ არის ღია საკითხები დარჩენილი, რადგან ყველაფერი შეთანხმებულია. ვერანაირ დაბრკოლებას ვერ ვხედავ. საქართველო ძალიან მალე მიიღებს ვიზალიბერალიზაციას," - აცხადებს მიროსლავ ლაიჩაკი.