ეროვნული ვალუტა გაუფასურების ტენდენციას განაგრძობს. ექსპერტების მიერ დასახელებულ მიზეზებს მმართველ გუნდში ეხმაურებიან. საპარლამენტო უმრავლესობა ანალიტიკოსებისგან განსხვავებით, ლარის ვარდნას გარე ფაქტორებს უკავშირებს.

რადიკალურად განსხვავებულია ოპოზიციის მოსაზრებები. ისინი არსებულ ვითარებას მმართველი გუნდისა და ბიძინა ივანიშვილის არაადეკვატურ ნაბიჯებს უკავშირებენ.

„ბიძინა ივანიშვილის და ამ მთავრობის პირობებში იმ აბსურდული ნაბიჯებით, რის გადადგმასაც კვირიკაშვილი აპირებს, შეუძლებელია ლარის კურსის გაჩერება. სამწუხაროა, რომ ეს პროცესი პირდაპირ აისახება ჩვენი მოქალაქეების ჯიბეზე და ეს ნიშნავს ჩვენი ხალხის კიდევ უფრო გაღარიბებას,“ - აცხადებს ენმ-ის ერთ-ერთი ლიდერი ზურაბ ჭიაბერაშვილი.