„ერთიანი ნაციონალური მოძრაობის“ მიერ გავრცელებულ ინფორმაციას საყოველთაო ჯანდაცვის პროგრამასთან დაკავშრებით ჯანდაცვის სამინისტროს განცხადებით ეხმაურება.

„საყოველთაო ჯანდაცვის პროგრამის მიმდინარეობას არავითარი საფრთხე არ ემუქრება. საჭიროების შემთხვევაში მიღებული იქნება შესაბამისი გადაწყვეტილებები და არცერთი პაციენტი მომსახურების გარეშე არ დარჩება. რაც შეეხება ზოგადად პროგრამის მიმდინარეობას, უკვე დაწყებულია რეფორმის მეორე ეტაპი, რასაც მომავალი წლიდან გარკეული ცვლილებები მოჰყვება. პროგრამა კიდევ უფრო დაიხვეწება და პაციენტების საჭიროებებზე ორიენტირებული გახდება. მისი ერთ-ერთი ნაწილია კლინიკების სელექციური კონტრაქტირება, რომლის დეტალებზე სამინისტრო აქტიურად მუშაობს“,- ნათქვამია განცხადებაში.