არასამთავრობო ორგანიზაციების წარმომადგენლები ამ წუთებში საქართველოს პარლამენტის თავმჯდომარესა და საპარლამენტო უმრავლესობის ლიდერებს ხვდებიან. შეხვედრაზე განხილვის მთავარი თემა მე-9 მოწვევის პარლამენტის სტრატეგია და საქმიანობაა.

შეხვედრის ფარგლებშ ასევე განიხილება საკონსტიტუციო კომისიის მუშაობაში სამოქალაქო სექტორის ჩართულობის საკითხი.

„მნიშვნელოვანია, რომ მაქსიმალური ჩართულობა იქნას უზრუნველყოფილი საკონსტიტუციო კომისიაში, იმ უბრალო მიზეზის გამო, რომ აქ არის საუბარი საქართველოს კონსტიტუციაზე და როგორც ჩვენ განცხადებებიდან გვესმის, ამ კომისიის მიზანია ძალიან ბევრი ცვლილების შეტანა კონსტიტუციაში. მიზანი ასევე ის არის, რომ ის იყოს ეფექტური," - განაცხადა ეკა გიგაურმა.