პარლამენტში დღეს ქვეყნის მთავარ საფინანსო დოკუმენტზე იმსჯელებენ

პოლიტიკა - 10:57, 12 Dec, 2016

1533

ბიუროს სხდომაზე ერთ-ერთ განსახილველისაკითხი დღეს 2017 წლის ბიუჯეტიცაა. დოკუმენტი კანონმდებლებმა კვირის ბოლოს უნდა დაამტკიცონ.

2017 წლის ბიუჯეტი საბოლოო ვარიანტით 11 მილიარდ 500 მილიონ ლარამდეა და ის 4% -იან ეკონომიკურ ზრდაზეა დაგეგმილი.

მთავრობის ძირითად პრიორიტეტები განათლება, ჯანდაცვა და ინფრასტრუქტურაა. ასევე იგეგმება ადმინისტრაციული ხარჯების შემცირება და ოპტიმიზაცია.

„დარწმუნებული ვარ, რომ ეს ცვლილებები ქართული საზოგადოების ინტერესებზე იქნება მორგებული და უზრუნველყოფს ეკონომიკის განვითარებას და სწრაფად ზრდას,“ - განაცხადა პარლამენტის ფრაქცია ქართული ოცნების თავმჯდომარემ მამუკა მდინარაძემ.

ბიუჯეტს მხარს არ უჭერს ოპოზიცია. მათი თქმით, მომავალი წლიდან გადასახადები გაიზრდება ნავთობპროდუქტებზე, ავტომობილებსა და სიგარეტზე.

„იზრდება თამბაქოსა და ნავთობპროდუქტებზე გადასახადები, ეს იქნება ძალიან მძიმე ტვირთი იმისა, რომ ფასები სხვადასხვა მიმართულებით გაიზრდება. ესეც ძალიან მძიმე ტვირთად დააწვება როგორც საშუალო, ისე ღარიბ მოსახლეობას,“ - აცხადებს პარლამენტის ფრაქცია ერთიანი ნაციონალური მოძრაობის წევრი სერგო რატიანი.

ქვეყნის მთავარ საფინანსო დოკუმენტს მხარს არ დაუჭრს პატრიოტთა ალიანსიც. გოჩა თევდორაძის ინფორმაციით, 2017 წლის ბიუჯეტი ქვეყნის ეკონომიკურ განვითარებაზე არ არის გათვლილი.