,,თუ არ უნდათ ნუ დაუჭერენე მხარს... ბიუჯეტის პროექტი არის სრულყოფილი“

,,თუ არ უნდათ ნუ დაუჭერენე მხარს... ბიუჯეტის პროექტი არის სრულყოფილი“ - ნარმანია ოპოზიციას პასუხობს

პოლიტიკა - 16:31, 11 Dec, 2016

2146

2017 წლის თბილისის ბიუჯეტის მთავარ პრიორიტეტბზე ისაუბრა დავით ნარმანიამ. მისი თქმით ქალაქის მთავრობის პრიორიტეტად კვლავ რჩება საგზაო ინფრასტრუქტურა, განათლება, გამწვანება და მუნიციპალური ტრანსპორტის განვითარება. ოპოზიციის შენიშვნებთან დაკავშრებით თბილისის მერი ამბობს, რომ საფინანსო დოკუმენტში აისახა ყველა ის წინადადება, რომელიც არაპოპულისტური ხასიათის იყოს. ამის მაგალითად ნარმანიამ დაასახელა მთავრობაში ადმინისტრაციული ხარჯების შემცირება, როგორიცაა, მაგალითად კულტურულ ღონისძიებათა ცენტრის გაუქმება.

„უმცირესობას მთელ რიგ შემთხვევებში ჰქონდა ძალიან პოპულისტური მოთხოვნები, ამიტომ, მათი ნაწილის გათვალისწინება არ მოხდა და ვერც მოხდებოდა. ის საქმიანი შენიშვნები და წინადადებები, როგორც უმცირესობიდან, ასევე უმრავლესობისგან ჩვენ მივიღეთ და შეძლებისდაგვარად გავითვალისწინეთ. ასე, რომ ბიუჯეტის პროექტი არის დახვეწილი, სრულყოფილი და ძალიან მნიშვნელოვანი,“- განაცხადა დავით ნარმანიამ და დასძინა, რომ ოპოზიცია არასდროს არ უჭერდა მხარს ბიუჯეტს და მას გაუკვირდება თუ ამჯერად მხარს დაუჭერენ.

,,ნუ დაუჭერენ... თუ არ უნდათ, რომ დაუჭირონ მხარი პროგრესზე და განვითარებაზე ორიენტირებულ ბიუჯეტს, ეს მათი ნებაა“ - განაცხადა მერმა.

ოპოზიციაში აცხადებენ, რომ დავით ნარმანიამ ბიუჯეტში არ ასახა მათი შენიშვნები, რომელიც სოციალური სფეროს განვითარებას ეხებოდა, ასევე ინფრასტრუქტურული პროექტები. მათი განცხადებით, ლარის კურსის გაუფასურების ფონზე, აუციელბელია დადგენს ბიუჯეტის კორექტირების საკითხი. ნაციონალურ მოძრაობაში აცხადებენ, რომ ნარმანიამ ყოვლად უპასუხისმგებლო და არაკომპეტენტური გადაწყვეტილება მიიღო. 46 მილიონით ბიუჯეტის შემცირების ფონზე, მან 30 მილიონით შეუმცირა იმ თბილისელებს, რომელიც უკიდურეს გაჭირვებაში ცხოვრობენ, სოციალური დახმარებები.