,,ჩვენ ვიღებთ ერთპარტიულ საკონსტიტუციო კომისიას“

,,ჩვენ ვიღებთ ერთპარტიულ საკონსტიტუციო კომისიას“ - გიორგი აბაშიშვილი

პოლიტიკა - 00:01, 11 Dec, 2016

2136

საკონსტიტუციო კომისიის ფორმირებასთან დაკავშირებით ისაუბრა პრეზიდენტის ადმინისტრაციის უფროსმა. გიორგი აბაშიშვილმა მაღალი თანამდებობის პირებს ურჩია განცხადებების გაკეთების დროს სწორად შეარჩიონ ტერმინები. მისი თქმით, კომისიის ფორმირებასთან დაკავშირებით იყო არა კონსულტაციები და პოზიციების შეჯერება, არამედ პარლამენტის მხრიდან შეტყობინება. აბაშიშვილი ამბობს, რომ მმართველმა გუნდმა კომისიის ფორმატთან დაკავშირებით ერთპიროვნულად მიიღო გადაწყვეტილება.

„ვისურვებდი, რომ ტერმინები სწორად იქნას შერჩეული. კონსულტაციები ნიშნავს პოზიციების განხილვას, შეჯერებული კი ნიშნავს პოზიციების ჩამოყალიბებას. ის, რაც იყო პარლამენტის მხრიდან, ეს იყო, უბრალოდ, შეტყობინება. სამწუხაროა ეს, რომ ასე ხდება. ჩვენ მივიღეთ ერთპარტიულ ინიცირება, ერთპარტიულ კომისია. სამწუხაროა, რომ ეს გადაწყვეტილება ფორმატთან დაკავშირებითაც კი, ერთპიროვნულად იქნა მიღებული,“ - განაცხადა გიორგი აბაშიშვილმა.

მისი თქმით, პრეზიდენტის ინიციატივაში მთავარი იყო ის, რომ საკონსტიტციო კომისიას ჰქონოდა მაღალი ნდობა და ლეგიტიმაცია, ,,ამას უზრუნველყოფდა სწორედ პრეზიდენტის ინსტიტუტთან არსებული კომისია პრეზიდენტის, პრემიერის და პარლამენტის თავმჯდომარის თანათავმჯდომარეობით და ვენეციის კომისიის ფართო ჩართულობით, სამწუხაროდ ეს ვერ მოხერხდა. სწორედ ეს უზრუნველყოფდა ფართო პოლიტიკური სპექტრის ჩართულობას. პრეზიდენტი არ არის არცერთი პარტიის წევრი და საქართველოში ეს იქნებოდა კარგი მესიჯი საერთაშორისო საზოაგდოებისთვის, რომ ჩვენ გვინდა რეალური ცვლლებები და ეს არ ემყარება არცერთი პარტიის ინტერესებს. ჩვენ ვხედავთ რომ ვიღებთ ფაქტიურად ერთპარტიულ კომისიას. სამწუხაროა, რომ ეს გადაწყვეტილება ფორმატთან დაკავშირებითაც კი მოხდა ერთპიროვნულად. გამომდინარე ამ ტენდენციიდან შიგნით რა გადაწყვეტილება იქნება მიღებული, ბევრ კითხვის ნიშანს აჩენს“

რაც შეეხება იმას, ჩაერთვება თუ არა პრეზიდენტის ადმინისტრაცია კომისიის მუშაობაში, აბაშიშვილის თქმით, ისინი ჯერ პროცესს დააკვირდებიან. ,,არ არის კარგი, როცა ამ კომისიის მაგალითად მოგვყავს ის, რომ ეს კომისია იქნება ისეთი როგორიც იყო წინ. დავაკვირდებით და ამის შემდეგ გადავდგამთ ნაბიჯებს“ - განაცხადა აბაშიშვილმა.