9 დეკემბერს სოხუმში საოკუპაციო რეჟიმის წარმომადგენლებმა და რუსულმა კომპანიამ „რუსული ქსელები“ ხელი მოაწერეს შეთანხმებას ენერგეტიკის სფეროში თანამშრომლობასთან დაკავშირებით.

„დავისახეთ მიზანი რომ მოიძებნოს სქემა, რომლითაც ჩვენ შეგვეძლება აფხაზეთის მოქალაქეები უწყვეტი ელექტროენერგიით მოვამარაგოთ, დამოუკიდებლად იმისა, თუ რა დონეზეა ენგურის წყალსაცავში წყლის დონე. შემდეგში კი უნდა ვიფიქროთ სტრატეგიაზე, იქნება ეს ქვესადგურების გაზრდის თუ სიმძლევრის მომატების ხარჯზე. წინადადებები მომავალ კვარტალში უნდა წარვადგინოთ.“- განაცხადა „რუსული ქსელების“ წარმომადგენელმა ალექსანდრ ხლოპონინმა. მისი თქმით უნდა განისაზღვროს პრიორიტეტები და შეიცვალოს საინვესტიციო პროგრამაც.

გაფორმებულ ხელშეკრულებაში საუბარია იმაზე, რომ აუცილებელია სამუშაო ჯგუფის შექმნა, რომელიც წარმოადგენს აფხაზეთის ენერგეტიკის მოდერნიზაციის „საგზაო რუკას“- განაცხადა ოკუპირებული აფხაზეთის ე.წ პრემიერ-მინისტრმა ბესლან ბარციცმა.