საქართველოს პარლამენტის გაერთიანებულ სხდომაზე სახელმწიფო ბიუჯეტის პარამეტრების შესახებ მსჯელობენ. საპარლამენტო ოპოზიცია 2017 წლის მთავარ ფინანსურ დოკუმენტს არასწორად დაგეგმილს უწოდებს.

მიუხედავად ხელისუფლების განცხადებისა, რომ ადმინისტრაციული ხარჯები 10 პროცენტით ილებს, რიგ უწყებებს ბიუჯეტი მნიშვნელოვნად ეზრდება.

ირაკლი აბესაძის განცხადებით, სუს-ის დაფინანსება 7 მილიონი ლარით იზრდება, ფინანსური პოლიციისა კი ერთი მილიონით. „ერთიანი ნაციონალური მოძრაობის“ წევრის თქმით, 2017 წლის ფინანსურ დოკუმენტში არ არის გათალისწინებული პენსიებისა და პედაგოგების შრომის ანაზღაურების ზრდა.

„ეს არის გაბერილი, არარეალისტური ბიუჯეტი, რომელიც სიკეთეს არ მოუტანს ქვეყანას, იქნება მუდმივი პრობლემა ლართან და ფასებთან დაკავშრებით“ - აცხადებს რომან გოცირიძე.

ქართული ოცნების დეპუტატები აღნიშნავენ, რომ 2017 წლის ბიუჯეტი ხელს შეუწყობს ეკონომიკურ ზრდას და მეორეს მხრივ სოციალურ პრობლემებზე არის ორიენტირებული.

„ბიუჯეტში დავზოგეთ ფული ბიზნესისათვის, მაგრამ ამ დაზოგვისათის და მაკროეკონომიკური სტაბილურობის შენარჩუნებისათვის მოგვიწია გარკვეული არაპოპულარული ნაბიჯების გადადგმა,“ - აცხადებს რომან კაკულია.