ქალაქ რუსთავის მერიასთან სტუდენტების აქცია კვლავ მიმდინარეობს, ისინი რუსთავი-თბილისის მიმართულებით სამარშრუტო ტაქსებზე სტუდენტური ტარიფის შემოღებას ითხოვენ და მგზავრობის საფასურის გაზრდას აპროტესტებენ.

აქციის მონაწილეებს რუსთავის მერიისა და საკრებულოს წარმომადგენლები შეხვდნენ. ადგილი ჰქონდა სიტყვიერ დაპირისპირებას. ახალგაზრდებმა მათგან შეთავზება მიიღეს, რომ ამ საკითხზე ერთობლივად ისაუბრონ, თუმცა სტუდენტები დიალოგზე უარს აცხადებენ.

„არ გთვლით ღირსად, რომ პასუხი გაგცეთ, იმიტომ, რომ პროვოკატორი და მასკარადის მომწყობი ხართ,"- მიმართა რუსთავის საკრებულოს წარმომადგენელმა სტუდენტებს.