საქართველოს განათლებისა და მეცნიერების მინისტრი ალექსანდრე ჯეჯელავა ჟურნალისტებთან საუბრისას აცხადებს,რ ომ მის უწყებაში ოპტიმიზაცია ყოველწლიურად განხორციელდება. ჯეჯელავას თქმით, საუბარი შესაძლოა იყოს როგორც ფუნქციების გაუქმების მხრივ, ასევე დამატებაზეც. ჯეჯელავა პრემიების სახით გახარჯულ 2 მილიონსაც ადასტურებს, თუმცა მინისტრი ამბობს, რომ პრემიების გაცემა სამომავლოდაც იგეგმება. ამის პარალელურად კი ჯეჯელავა თანამშრომლების შემცირებაზე საუბრობს. ჯეჯელავა რამდენიმე დეპარტამენტის გაუქმებასაც არ გამორიცხავს

,,კერძო სექტორში ვმუშაობდი და ყოველწლიურად ვაკეთებდით ოპტიმიზაციასაც, გადახედვასაც. ზოგან მეტი ხალხი გვეყოლება, ზოგან - ნაკლები. ჩვენ 10%-ით ნაკლებს დავხარჯავთ როგორც ანაზღაურების, ასევე ადმინისტრაციული ხარჯების ნაწილში.

ყველა ვინც ხალხის ფულს ზედმეტად ხარჯავს, მიუხედავად იმისა, რა გეგმა აქვს მთავრობას და ეკონომიკას, უნდა გავათავისუფლოთ და სადაც გვჭირდება დამატებითი კადრი უნდა ავიყვანოთ.

მთავრობა წინ მიდის ამ თვალსაზრისითაც, რომ უფრო გამხდარი იყოს, ჩემგან რაც უნდა უცნაურად ჟღერდეს და უფრო ეფექტურად ხარჯავდეს ხალხის ფულს”, - აცხადებს ალექსანდრე ჯეჯელავა.