"რათ უნდა სწავლა, რომ ცხვირში თითი არ შეიყონ... სირცხვილია ნარმანიას მერობა"- ალეკო ელისაშვილი

პოლიტიკა - 18:55, 06 Dec, 2016

9951

თბილისის საკრებულოს დამოუკიდებელი დეპუტატი ალეკო ელისაშვილი თბილისის მერის საქმიანობას კიდევ ერთხელ აკრიტიკებს და აცხადებს, რომ დედაქალაქის მერმა უკვე მერამდენედ აღიარა თავისი უმწეობა. ელისაშვილის თქმით ნარმანიას მერობა სირცხვილია და მან თანამდებობა უნდა დატოვოს. აღნიშნული განცხადება ელისაშვილმა დღეს კურიერის ეთერი მერიის მიერ გამოცხადებულ ტენდერებთან დაკავშირებით საუბრის დროს გააკეთა:

„რათ უნდა სწავლა, ჩანგლით რომ უნდა ჭამონ და ცხვირში თითი არ შეიყონ. დავით ნარმანია აღიარებს, რომ ვინ რა ტენდერს აცხადებს, მისი თანამშრომლები რითი არიან დაკავებულები, არ იცის. რა ჰქვია ახლა ამას? რა ჰქვია იმას, როდესაც ქალაქის მერი მერამდენედ აღიარებს თავის უმწეობას. ცხადდება უმსგავსო ტრენინგი, სადაც სუფრასთან მოქცევის წესი უნდა ისწავლონ. 30-40 წლის ხალხმა თუ სუფრასთან მოქცევის წესი არ იცის და ისე არიან საჯარო სამსახურში, რაზე უნდა ვილაპარაკოთ საერთოდ?! საცოდაობაა მისი ყურება, რადგან ვერაფერს შიგნით ვერ აკონტროლებს. ხალხი ცუდ დღეშია, ყოველ დილით ცივი ოფლი მასხამს, სანამ ლარის კურს შევხედავ. კიდევ 9 წელი მაქვს ბინის კრედიტი სახდელი და ვერ ვხედავ, რომ მთავრობა ქამრებს იჭერდეს. ქამრებს გვიჭერენ ჩვენ ყელზე. წადი მეთქი, ვურჩიე მეგობრულად, რადგან საჯარო ბიოგრაფიას იფუჭებ მეთქი. სირცხვილია ნარმანიას მერობა,“ - განაცხადა ალეკო ელისაშვილმა, მისი თქმით გამორიცხული არაა, რომ ოპოზიციამ ნარმანია საკრებულოში დაიბაროს.