ინდონეზიაში საქართველოს საელჩომ მონაწილეობა მიიღო 49-ე ყოველწლიურ საქველმოქმედო გამოფენაში

პოლიტიკა - 16:24, 06 Dec, 2016

1264

ინდონეზიაში საქართველოს საელჩომ მონაწილეობა მიიღო, ქალთა საერთაშორისო ორგანიზაციის ეგიდით გამართულ, 49-ე ყოველწლიურ საქველმოქმედო გამოფენა-ბაზრობაში. ღონისძიებაში მონაწილეობდა ჯაკარტაში აკრედიტებული 53 დიპლომატიური მისია, ასევე სხვადასხვა ადგილობრივი კომერციული ორგანიზაცია.

გამოფენაზე საქართველოს საელჩომ წარმოადგინა ქართული კომპანიების მიერ მოწოდებული პროდუქცია, მათ შორის ქართული ღვინო, თაფლი, ტკბილეულობა და მინერალური წყალი, ასევე მინანქრის ხელნაკეთი ნივთები, ქსოვილები და სხვადასხვა სუვენირები.

გამოფენის ფარგლებში ქართულ კუთხეს ეწვია ინდონეზიის პირველი ლედი ჯოკო ვიდოდო. წარმოდგენილმა პროდუქციამ მისი დიდი ინტერესი და მოწონება დაიმსახურა.

აღსანიშნავია, რომ გამოფენის ფარგლებში ქართული სოფლის მეურნეობის პროდუქციის მიმართ განსაკუთრებული დაინტერესება გამოხატეს ინდონეზიელმა იმპორტიორებმა და საქართველოს საელჩოსთან შემდგომი თანამშრომლობის სურვილი გამოთქვეს.

საქველმოქმედო გამოფენიდან შემოსული თანხა გადაირიცხება საქველმოქმედო ფონდში, რომელიც მოხმარდება სპეციალური საჭიროების მქონე ბავშვების სწავლა-განათლების უზრუნველყოფასა და მათი სოციალური მდგომარეობის გაუმჯობესებას.