"სეკრეტები" არ მაინტერესებს, ნდობის ჯგუფში ყოფნა არ მინდა"- ემზარ კვიციანი

პოლიტიკა - 15:39, 06 Dec, 2016

2563

"პატრიოტთა ალიანსის" წევრი ემზარ კვიციანი აცხადებს, მასზე "სანდო ადამიანს არ იცნობს". შესაბამისი განცხადება დეპუტატმა ჟურნალისტებთან გააკეთა, რომლებიც დაინტერესდნენ იქნება თუ არა ის პარლამენტის ნდობის ჯგუფში.

„საერთოდ „სეკრეტები“ არ მაინტერესებს. როგორც თქვენი, ჟურნალისტების არ მაინტერესებს, ისე ამ ჯგუფში არსებული "სეკრეტები" არ მაინტერესებს",-თქვა კვიციანმა.

პარლამენტის ნდობის ჯგუფში ოპოზიციას ერთი კვოტა ეკუთვნის. სავარაუდოდ, აღნიშნულ ჯგუფში საპარლამენტო უმცირესობა ირაკლი აბესაძის კანდიდატურას წარადგენს.

ცნობისთვის, თავდაცვისა და უშიშროების კომიტეტის თავმჯდომარის ირაკლი სესიაშვილის მოადგილის პოსტი კვლავ ვაკანტურია.

არსებული ინფორმაციით, უმრავლესობის წევრთა ნაწილი ამჯერად ემზარ კვიციანს მხარს არ დაუჭერს. თუმცა, მმართველ გუნდში საკუთარ გადაწყვეტილებაზე არ საუბრობენ.

„ეს საკითხი ჩვენთვის არის წმინდა ტექნიკური საკითხი, იმიტომ, რომ ოპოზიციის კვოტა ამ შემთხვევაში, მათ უნდა გადაწყვიტონ, ვის საკითხს დააყენებენ,“ - განაცხადა კობა ნარჩემაშვილმა.

ენმ-ისთვის პრინციპულ საკითხს ნდობის ჯგუფში ემზარ კვიციანის შესაძლო ყოფნა წარმოადგენს.

„ემზარ კვიციანი შეიარაღებით დაუპირისპირდა ოფიციალურ საჯარისო დანაყოფებს, შემდგომ თავს აფარებდა ოკუპირებულ აფხაზეთს, შემდეგ მოსკოვს და მოსკოვიდან აკეთებდა განცხადებებს საქართველოს სახელმწიფოს ინტერესების საწინააღმდეგოდ. რა თქმა უნდა, ეს არის მიზეზი,“ - განაცხადა ოთარ კახიძემ.