ზურაბ ჟვანიას საქმის ექსპერტი, ლევან ჩაჩუა საბოლოოდ გამართლდა. ენმ-ის წევრი ბექა ბასილაია კი აცხადებს, რომ უზენაესი სასამართლოს გადაწყვეტილება არის არსებული ვერსიის დადასტურება. ამის შესახებ ბასილაიამ კურიერის პირდაპირ ეთერში ისაუბრა.

„პროკურატურის მიერ წარმოდგენილი მასალები გვაძლევს ჩვენ იმის თქმის საფუძველს, რომ ზურაბ ჟვანიას გარდაცვალება იყო უბედური შემთხვევის მსხვერპლი და არავითარ ძალადობრივ ქმედებას ან რაიმე დანაშაულს მის სიცოცხლის მოსპობასთან დაკავშირებით ადგილი არ ჰქონია. უზენაესი სასამართლოს მიერ მიღებული გადაწყვეტილება კი არის საბოლოო დადასტურება ამ მიზეზისა,“ - განაცხადა ბექა ბასილაიამ.