საპარლამენტო უმცირესობა ტელეკომპანია „რუსთავი 2“-ის საქმესთან დაკავშირებით საუბრობს. ზურაბ ჭიაბერაშვილის განცხადებით, მმართველი გუნდი დაინტერესებულია გააჩუმოს რუსთავი 2. „ნაციონალური მოძრაობა“ ხელისუფლებას აფრთხილებს და აცხადებს, რომ დამოუკიდებელი მედიის გაჩუმება ქვეყნის ევროატლანტიკურ ინტეგრაციაზე უარყოფითად აისახება.

„რუსთავი 2-ის შემთხვევა, ეს არ არის ორ კერძო სუბიექტს შორის დავა, ეს არის ხელისუფლების მცდელობა, ჩაახშოს თავისუფალი სიტყვა და შეერთებული შტატებიდან და ევროკავშირიდან მომდინარე მკაფიო განცხადებები ამის თაობაზე, ეს არის გაფრთხილება საქართველოს ხელისუფლების, რომ რუსთავი 2-ზე შეხება ძვირად დაუჯდება არა უბრალოდ ხელისუფლებას, არა უბრალოდ ბიძინა ივანიშვილს, არამედ ქვეყანას,“ - აცხადებს ზურაბ ჭიაბერაშვილი.