საქართველოს პარლამენტის თავმჯდომარე ირაკლი კონახიძე თავისუფალი მედიის მნიშვნელობაზე ამერიკის შეერთებული შტატების სახელმწიფო დეპარტამენტის განცხადებებს იზიარებს. კობახიძის თქმით, ხელისუფლება ყველაფერს გააკეთებს მედია პლურალიზმისა და მედიის თავისუფლების შესანარჩუნებლად.

“ჩვენ ყველაფერს გავაკეთებთ იმისათვის, რომ მოვლენების ნებისმიერი სცენარით განვითარების პირობებში, საქართველოში იყოს უზრუნველყოფილი, როგორც მედიის პლურალიზმი, ისე მედიის თავისუფლება. გახსოვთ თქვენ, რა მდგომარეობა გვქონდა 2012 წლამდე ამ კუთხით, სამივე ნაციონალური ტელეარხი იყო მმართველი პარტიის მონოპოლიის ქვეშ და დღეს გვაქვს რადიკალურად განსხვავებული სიტუაცია. ეს არის ჩვენი მიღწევა. მედია პლურალიზმი არ არსებობდა საქართველოში და ჩვენი ხელისუფლების პირობებში დამყარდა,“ - განაცხადა საქართველოს პარლამენტის თავმჯდომარემ.