აშშ-ის სახელმწიფო დეპარტამენტის პრესმდივნის განცხადება ამ უწყების პოლიტიკაა

აშშ-ის სახელმწიფო დეპარტამენტის პრესმდივნის განცხადება ამ უწყების პოლიტიკაა - იან კელი რუსთავი 2-ის საქმეზე

პოლიტიკა - 09:30, 05 Dec, 2016

1695

მედიის თავისუფლებისა და სასამართლოს დამოუკიდებლობის მნიშვნელობაზე აშშ-ის სახელმწიფო დეპარტამენტის პრესმდივნის მიერ გაკეთებულ განცხადებაზე კომენტარი გააკეთა იან კელიმ. აშშ-ს ელჩი ამბობს, რომ პრესმდივანის განცხადება ყოველთვის სახელმწიფო დეპარტამენტის პოლიტიკაა და ის ამ უწყების პოზიციას აჟღერებს.

"ეს სემანტიკის საკითხია. მე 1 წელი სახელმწიფო დეპარტამენტის პრეს მდივანი ვიყავი. ეს პოზიცია კი შეკითხვებზე პასუხის გაცემას გულისხმობს. შემდეგ ეს პასუხები იქცევა ხოლმე დეპარტამენტის განცხადებად. ეს განცხადებაც გაკეთდა ზეპირად და ბრიფინგზე, თუმცა ყველაფერი რასაც პრეს მდივანი ამბობს, არის სახელმწიფო დეპარტამენტის პოლიტიკა. ასე რომ, აქ საქმე სემანტიკურ მნიშვნელობაშია. ეს არ იყო წერილობით გავრცელებულ განცხადება, არამედ კითხვაზე პასუხი. რაც შეეხება თავისუფალ მედიას, ის ძალიან მნიშვნელოვანია," - აცხადებს იან კელი.

აშშ-ის სახელმწიფო დეპარტამენტის წარმომადგენელი ჯონ ქირბი 29 ნოემბერს გამართულ ბრიფინგზე რუსთავი 2-ის საკითხსაც შეეხო და დემოკრატიისთვის მედია პლურალიზმის მნიშვნელობაზე ისაუბრა. ქირბიმ კიდევ ერთხელ დაადასტურა შეერთებული შტატების წუხილი მედიასივრცეში პლურალიზმის საკითხთან დაკავშირებით და ხაზი გაუსვა მედიის თავისუფლების, სასამართლოს დამოუკიდებლობის, პოლიტიკური პლურალიზმის აუცილებელ მნიშვნელობას საქართველოს ევროატლანტიკური ინტეგრაციის გზაზე.