4 დეკემბერს იტალიაში ქვეყნის პარლამენტის ზედა პალატის - სენატის რეფორმირების შესახებ რეფერენდუმი მიმდინარეობს. რეფერენდუმის ინიციატორი ქვეყნის პრემიერი მატეო რენცია. იგი აცხადებს, რომ რეფერენდუმის უარყოფითი შედეგით დამთავრების შემთხვევაში იგი გადადგება.

ექსპერტების შეფასებით, რეფერენდუმი, რომელიც მოსალოდნელია, რომ უარყოფითი შედეგით დამთავრდეს, სავალალო შედეგებს მოიტანს არა მარტო რენცისა და მმართველი პარტიისათვის, არამედ იტალიისა და ევროკავშირისთვისაც.

საქმე არ ეხება სენატის რეფოირმირების აუცილებლობას, უბრალოდ ეკონომიკური სტაგნაციითა და ქვეყანაში ახლო აღმოსავლეთიდან მოზღვავებული მიგრანტებით უკმაყოფილო იტალიის მოსახლეობამ ეს რეფერენდუმი, შესაძლოა მთავრობის გადაყენების საბაბად გამოიყენოს.

წინასარეფერენდუმო კამპანიის მიმდინარეობისას, რენცის პოლიტიკის ძირითადი მოწინააღმდეგეები ანტიმიგრანტული ორგანიზაცია "ჩრდილოეთის ლიგა" და პოპულისტური მოძრაობა "ხუთი ვარსკვლავი" აქტიურად იყენებდნენ მოსახლეობის უკმაყოფილებას. მათ წამოიწყეს კამპანია "თქვი არა", რომლის დროსაც მთავარი ლოზუნგი სწორედ ქვეყანაში მიგრანტების შემოსვლის აკრძალვა იყო და არა კონსტიტუციური ცვლილება. "ხუთი ვარსკვლავი", რომელსაც ცნობილი კომიკოსი ბელა გრილო ხელმძღვანელობს, უფრო შორს წავიდა და განაცხადა, რომ თუ რენცი რეფერენდუმში დამარცხდა, იგი ახალი რეფერენდუმის ჩატარებას მოითხოვს, რომლის საკითხიც იტალიის მიერ ევროზე უარის თქმას და ევროზონიდან გასვლა იქნება.

ევროპაში ყოველივე ამას დიდი შეშფოთებით უყურებენ და რენცის მარცხს ბრიტანული BREXIT0ისა და აშშ-ში ტრამპის გამარჯვების მსგავს პრობლემად აფასებენ. ევროპული ეკონომიკური ბაზრები ასევე შფოთავენ, გერმანიისა და საფრანგეთის შემდეგ, სიდიდით მესამე ეკონომიკური პოტენციალის მქონე ქვეყნის შესაძლო არასტაბილურობის გამოც.