თამუნა ხელაძე: “ხშირად მსმენია ფრაზა, “რა თაობა მოდის”. არ გეთანხმებით !!! ამიტომ მოგიყვებით.

დღეს ქუჩაში ცუდად გავხდი, ახლო მდებარე აფთიაქში შევედი. წნევის გაზომვა ვითხოვე. დედაჩემის ასაკის ქალი იყო. არც კი შემომხედა, უხეშად მითხრა: “არ მაქვს”.

გამოვედი, წაქცევის პირას ვიყავი, ახალგაზრდა გოგონა მოვიდა და დახმარება შემომთავაზა. მიმიყვანა სხვა აფთიაქში, ჩემი ხელი ხელში ეჭირა. გააზომინა წნევა. მიყიდა წამალი, წყალი და როცა უკეთესად გავხდი, მაინც არ დამტოვა მეგობრის მოსვლამდე. არც თანხა გამომართვა წამლების და წყლის. მისი თბილი თვალები შემომანათა და კეთილი ღიმილით დამემშვიდობა.

არ გაბედოთ ეს თაობა გალანძღოთ! კარგი და ცუდი ყველა თაობაშია. მე სახლშიც მყავს მოსწავლეები და საოცარი ადამიანები არიან. უსაყვარლესები.“